اسلام آباد(مانیٹرنگ ڈیسک)ملک میں سیاسی بحران کے بعدوزیر اعظم محمد نواز شریف حرکت میں آگئے،پی ایم ہاﺅس میں کابینہ کے غیر رسمی اجلاس میں وزیراعظم نے وفاقی وزراءکو ڈیڈ لاک کے بجائے ڈائیلاگ کو آگے بڑھانے کی ہدایت کردی ہے۔
دنیا نیوز کے مطابق وزیر اعظم نے کہا ہے کہ ڈیڈ لاک کے بجائے ڈائیلاگ کو آگے بڑھایا جائے،تحریک انصاف کو پریڈ گراﺅنڈ میں سہولیات فراہم کی جائیں،اتحادیوں اور اپوزیشن سے رابطوں کو وسیع کیا جائے،تمام وزراءبحرانی کیفیت سے نکلنے کیلئے کردار ادا کریں،مسائل کا سیاسی اور جمہوری حل جمہوریت کا خاصہ ہے،ہنگامی کیفیت ملک کیلئے خطرناک ہے۔